Tovar kartochkalari bo‘yicha talablar

Bu bo‘limda sizga tovar kartochkasini to‘g‘ri yaratishga yordam beramiz.
Talablarni, tavsiyalarni va misollarni diqqat bilan o‘qing. Tovar kartochkasining sifati – oldindan moderatsiya natijalariga, buyurtmalar soniga, shuningdek, radlar va qaytarishlar miqdoriga ta’sir qiladi.

Umumiy qoidalar

• Har bir sotiladigan tovar uchun alohida tovar kartochkasi yaratishingiz shart.
• Bir nechta turli tovarlar uchun bitta kartochka yaratish mumkin emas, hatto ular juda ozgina farqlansa ham.

Tovarlarning asosiy farqlovchi xususiyatlari quyidagilar:

• Tovar narxi;
• O‘lchamlar, hajm, gabaritlar va og‘irlik;
• Material turi, tarkibi, komponentlari, to‘plam tarkibi, aksessuarlar;
• Rang, bo‘yoq, naqsh, qoplama;
• Barcha yozuvlar, ularning o‘lchamlari va ranglari;
• Barcha grafik elementlar, logotiplar;
• Texnik xususiyatlar;
• Ekspluatatsion xususiyatlar;
• Himoya darajasi va iqlimga mosligi;
• Boshqa farqlantiruvchi belgilar.

Tovar kartochkasini yaratishda do‘konimizdagi o‘xshash tovar kartochkalarini ko‘rib chiqishni tavsiya qilamiz. Kartochka yaratilgandan so‘ng siz uni tahrirlashingiz yoki to‘ldirishingiz mumkin.
Ammo ba’zi holatlarda o‘zgartirishlar kiritish mumkin bo‘lmaydi.

Kartochka qachon bloklanadi (o‘zgartirish mumkin bo‘lmaydi)?

Kartochka sotuvchi tomonidan tahrirlashdan bloklanadi, agar:

• Tovarni omborga jo‘natish uchun nakladnoy aktivlashtirilgan bo‘lsa;
• Tovar Bigmart omboriga qabul qilingan bo‘lsa;
• Kartochka moderatsiyadan o‘tib tasdiqlangan bo‘lsa;
• Tovarning birinchi savdosi amalga oshirilgan bo‘lsa.

Agar aktiv kartochkani o‘zgartirish kerak bo‘lsa:

• Bigmart moderatsiya xizmatiga murojaat qilib, o‘zgarish sabablari batafsil tushuntiriladi.
• Agar tovar FBS (o‘z omboridan yetkazib berish) sxemasi bo‘yicha sotilsa:
  • noto‘g‘ri kartochkani deaktivatsiya qilib, yangisini yaratish kerak.
  • Bunda yangi kartochka uchun yangi shtrix-kod yaratiladi.

Moderatsiya xizmatining o‘zgartirish kiritishni rad etishi mumkin bo‘lgan holatlar:

• Tovar sotilgan bo‘lsa va qaytarish muddati tugamagan bo‘lsa;
• Tasdiqlangan buyurtma mavjud bo‘lsa;
• Avtorizatsiyadan o‘tgan xaridor tovarni savatga qo‘shgan bo‘lsa;
• O‘zgartirmoqchi bo‘lgan ma’lumot tovarning farqlovchi xususiyatlariga tegishli bo‘lsa (material, komponent, to‘plam, rang, qadoq, texnik ko‘rsatkichlar va boshqalar);
• Moderatsiya uchun muhim boshqa omillar mavjud bo‘lsa.

Shtrix-kod

Har bir yaratilgan tovar kartochkasi uchun avtomatik ravishda unikal shtrix-kod generatsiya qilinadi. Bu kod tovarni elektron tizimda aniqlash uchun ishlatiladi.

Tovar kategoriyasi

Tovar kategoriyasi – bu xaridorlar tomonidan o‘zaro bog‘liq va o‘rnini bosuvchi deb qabul qilinadigan mahsulotlar guruhi. Mahsulot assortimenti xaridorlarning ehtiyojlari, didi va afzalliklariga muvofiq alohida mahsulot kategoriyalariga bo‘linadi.
Mahsulotni internet-do‘konning to‘g‘ri bo‘limida joylashtirish, uning klassifikatsiyasi, navigatsiyasi va tezkor qidiruvini ta’minlash uchun mahsulot kategoriyasini to‘g‘ri ko‘rsatish muhimdir.
Tovarni to‘g‘ri kategoriyaga joylashtirish quyidagilar uchun muhim:

• To‘g‘ri joylashtirish va do‘konda ko‘rinishini yaxshilash;
• Xaridorga izlash, solishtirish va tanlashda yordam berish;
• Xaridorlarning qiziqishlari asosida mahsulot taklif qilish;
• Ombor, logistika va sotuvlarni boshqarish;
• Marketing tadqiqotlari sifatini oshirish;
• Tovarni to‘g‘ri tasniflash va aniqlash.

Shuning uchun kartochka yaratishda kategoriya, subkategoriya va tovar guruhini to‘g‘ri tanlash kerak.
Agar sizga qiyin bo‘lsa, bizning internet-do‘kondagi o‘xshash mahsulotlarga qarang va ularning qaysi kategoriyada joylashtirilganini bilib oling.
Masalan, siz elektr jihozlari do‘koniga egasiz va chiroq uchun mahsulot kartasini yaratmoqchisiz. Mahsulot kategoriyasini qanday aniqlash mumkin?

• Ta’mir ishlari bilan shug‘ullanadigan xaridor chiroqni «Qurilish va ta’mirlash» kategoriyasidagi «Yoritish» guruhidan qidiradi.
• Xonaga, interyerga yoki shunchaki dekor uchun chiroq sotib olmoqchi bo‘lgan xaridor esa «Uy buyumlari» bo‘limi va keyin «Dekor va interyer»ni ko‘radi.

Shunday ekan, chiroqni qaysi kategoriya ostida joylashtirish kerak?
Bu yerda sizning iste’dodingiz, mahsulotingiz haqida bilimingiz va marketing strategiyangiz muhim ahamiyatga ega.

• Agar chiroq interyer uchun mo‘ljallangan, alohida, dekorativ yoki ko‘chma bo‘lsa, uni «Dekor va interyer» guruhida joylashtirish eng ma’qul bo‘ladi. Ammo shuni yodda tuting: bunday chiroq xonaga, dekoratsiyaga yoki go‘zallik uchun xarid qilmoqchi bo‘lgan xaridorlar uchun qiziq bo‘ladi. Ta’mirlash bilan shug‘ullanayotgan xaridorlar bunday chiroqni sezmasligi mumkin.
• Agar chiroq ta’mirlash jarayonida o‘rnatish uchun mo‘ljallangan bo‘lsa, montaj talab qilishi mumkin yoki u ko‘proq yoritish vazifasini bajaradigan bo‘lsa, unda uni «Yoritish» guruhida, «Qurilish va ta’mirlash» kategoriyasida joylashtirish mantiqan to‘g‘ri bo‘ladi. Shu yo‘l bilan siz mahsulotingizni qurilish va ta’mirlash bilan shug‘ullanuvchilarga tavsiya qilishingiz mumkin.
  Kategoriya tanlashda bizning do‘konda mavjud kategoriya, subkategoriya va mahsulot guruhlariga qarang. Shuningdek, boshqa sotuvchilarning mahsulotlarini ham ko‘rib chiqing.
  Kategoriya tanlash to‘g‘riligiga javobgarlik sotuvchiga yuklatilgan. Agar kategoriya, subkategoriya yoki mahsulot guruhi ro‘yxatda topilmasa, bizning menejerlarimiz bilan bog‘laning.

Kategoriyalarni moderatsiyasi qilish

Moderatsiya jarayonida tovar uchun tanlangan kategoriya to‘g‘ri yoki noto‘g‘ri ekanligi tekshiriladi.
Bizning moderatorlar ogohlantirmasdan turib kategoriyani o‘zgartirish yoki noto‘g‘ri tanlangan kategoriya uchun tovar kartochkasini bloklash huquqiga ega.

Tovar kategoriyasini o‘zgartirish

Tovar kartochkasi moderatsiyadan o‘tgandan so‘ng siz kategoriya bo‘limini o‘zgartira olmaysiz.
Agar siz kategoriyani noto‘g‘ri ko‘rsatgan bo‘lsangiz, sabablari bilan birga qo‘llab-quvvatlash xizmatiga murojaat qilishingiz kerak.

Tovar nomi

Tovar yoki xizmat nomi – bu vizit karta kabidir. Unda juda ko‘p ma’lumot yashiringan bo‘ladi va u do‘kon saytida, qidiruv tizimlarida, hujjatlarda, chek va boshqa joylarda aks etadi.
To‘g‘ri tuzilgan nom xaridorlarga ular izlayotgan mahsulot aynan shu ekanini tushunishga yordam beradi.
Shuningdek, qidiruv tizimlariga sahifani to‘g‘ri indekslash va qidiruv natijalarida yuqoriroq ko‘rsatish imkonini beradi.
Eng oddiy nom – bu mahsulotning o‘zida ko‘rsatilgan nom, ammo bu eng yaxshi yechim emas. Chunki u xaridor uchun muhim bo‘lgan ma’lumotlarni to‘liq ifodalamay qolishi mumkin.
Shuning uchun tovar nomini to‘g‘ri, aniq va qoidalarga amal qilgan holda yozish juda muhim.

Tovar nomiga qo‘yiladigan asosiy talablar

Agar nom bu qoidalarga mos kelmasa, tovar shaxsiy kabinetda yaratilmaydi yoki moderatsiyadan o‘tmaydi.

Talablar va tushuntirishlar

Nomga qo’yiladigan talablar	Izoh
Tovarning tipi ko‘rsatilgan bo‘lishi kerak	Masalan: Qo‘g‘irchoq, Shkaf, Smartfon, Choynak (Kitob, jurnallar kategoriyasi bundan mustasno)
Nom bosh harf bilan boshlanishi kerak	Masalan: Televizor, Noutbuk
Ruxsat etilgan belgilar ishlatiladi	Rus va ingliz harflari, raqamlar, quyidagi belgilar: . , : ; ( ) - / & " ; Shuningdek ! yoki ?, agar ularsiz nom noto’g’ri talqin qilinsa (misol uchun kitob va jurnallar nomlarida)
Taqiqlangan belgilar bo‘lmasligi kerak	™ © ® [ ] = \ « » va boshqalar, ierogliflar va noodatiy belgilar
Maksimal uzunlik	Bir so‘z — 27 belgigacha, butun nom — 200 belgigacha
Uzun nomlarda tinish belgilari bo‘lishi shart	Masalan: ., «», /
Grammatik jihatdan to‘g‘ri jumla bo‘lishi kerak	“Qo‘g‘irchoq qiz o‘yin bolalar plastik” kabi tartibsiz so‘z to‘plami bo‘lmasligi kerak
Ikki martadan ko‘p o‘zakdosh so‘z bo‘lmasligi kerak	Model ro‘yxati bundan mustasno
Ortiqcha yoki reklama ma’lumotlari bo‘lmasligi kerak	Tovar nomida quyidagilar bo’lsa moderator qaytarishi mumkin: “Aksiya”, “rasprodaja”, “faqat bugun”, “chegirma” kabi so’zlar bo’lsa; Tovar narxi bo’lsa “eng yaxshi tovar”, “ajoyib tovar”, “original tovar” va boshqalar “analog”, “qalbaki”, “kopiya”, “lux copy”, “replika”, “1:1”, “original” va boshqalar taqiqlanadi
Translitda yozilgan so‘zlar bo‘lmasligi kerak	Istisno – kitoblar. Abbreviaturalar (masalan, GOST, SEGA) ruxsat etiladi
Yashirin formatlash belgilarisiz	Internetdan ko‘chirib olingan matnda ko‘pincha yashirin belgilar bo‘ladi – qo‘lda yozish tavsiya etiladi. Matnda yashirin belgilarni maxsus servislar yordamida topish mumkin.
Qaytarilgan so‘zlar bo‘lmasligi kerak	Masalan: “Choy bokali, 8-mart uchun bokal, chinni bokal, oila uchun bokal” va hokazo.
Havolalar bo‘lmasligi kerak	Masalan: “Samsung televizori. Batafsil ma’lumotni saytimizda yoki buklet orqali olishingiz mumkin”
Nomaqbul bo‘sh joylar (неразрывные пробелы) bo‘lmasligi kerak	So‘zlarni o‘zidan keyin yangi qatorga ko‘chirishni taqiqlaydigan maxsus belgilar. Matnda ular quyidagicha ko‘rinadi:
HTML teglari bo‘lmasligi kerak	Veb-sahifa mazmunini shakllantirishga imkon beradigan maxsus belgilar. Masalan: <p>, <a>, <b>

Moderatsiya vaqtida uchraydigan keng tarqalgan xatolar

Xato	To‘g‘ri	Noto‘g‘ri
Nom juda uzun	Kubik-boshqotirma Xiaomi	Yo‘l ryukzagi Xiaomi Silliq va mustahkam “Kubik-golovolomka” Sehrli kub, cheksiz aylanuvchi va buriluvchi kub Rivojlantiruvchi o‘yinchoq Kattalar va bolalar uchun ideal Aqlni charxlaydi mayda motorikani yaxshilaydi tanqidiy fikrlash va muammolarni hal qilish ko‘nikmalarini rivojlantiradi
So‘zlar kelishmagan	Kover yotoqxona uchun dekorativ	Yotoqxona Dekorativ sirpanishga qarshi uy sharoitida ishlatiladigan oval yumshoq mo‘yna gilam
Nom lotincha yozilgan	LAMBRE “Compact Blush” yoritqich rumyanalari, yantar rangda.	LAMBRE Compact Blush High Light
Uzun nom, lekin tinish belgilari yo‘q	5 talik to‘plam: maktab klatchi, ayollar ryukzagi, qiz-o‘smirlar uchun klassik maktab sumkasi, belga taqiladigan ryukzak-sumka.	5 talik to‘plam Maktab klatchi Zamonaviy ayollar ryukzagi kundalik qiz-o‘smirlar uchun klassik maktab sumkasi Belga taqiladigan ryukzak-sumka
Juda ko‘p maxsus belgilar	Olma sirkasi Selen	Selen Olmali Sirkasi, oziq-ovqat ziravori, salatlar uchun sous, tarkibida: temir, magniy, nikel, mis, ovqat hazmini yaxshilaydi, jigar va buyrak faoliyatini qo‘llab-quvvatlaydi. Neoselen.
Ko‘p takrorlar	Ayollar yozgi futbolkasi	Ayollar futbolkasi / Yozgi futbolka / Yozuvli futbolka / Futbolka
Juda uzun so‘zlar	Sumka Maroqand printli	SumkaMaroqandChemodanAksessuar
Ismda katta harfda so‘zlar ko’p bo’lsa	Hyundai Creta paneli va konsoli uchun kovriklar	HYUNDAI CRETA PANELI VA KONSOLI UCHUN KOVRIKLAR
Juda ko‘p sinonimlar yoki tip sanab o‘tilgan bo’lsa	Rivojlantiruvchi musiqiy o‘yinchoq Quyoncha	Rivojlantiruvchi musiqa o‘yinchog‘i quyoncha / Aqlli bola / interaktiv o‘yinchoq / ko‘k quyoncha
Tovar nomida ruxsat etilmagan belgilar (emoji, ierogliflar) bo’lsa	Lacoste kalta futbolka	Lacoste kalta futbola, sifati LYUKS 🔥✅
	Braziliya qahvasi «Nescafe»	Braziliya qahvasi «Nescafe» 柠檬草

Mahsulot nomini tuzish qoidalari

Nomni quyidagi sxema bo‘yicha tuzing:

Tovar turi (bu nima) + Brend yoki ishlab chiqaruvchi (agar bo‘lsa) + Tovar nomi (muqim va muhim xususiyatlari bo‘lsa).

Misol:

• Pazl uchun bolalar (turi) Step Puzzle (brend) Popugay Kesha (tovar nomi)

Noto‘g‘ri variantlar:

• Step Puzzle Popugay Kesha (turi yo‘q — xaridor bu nima ekanini tushunmaydi)
• Bolalar uchun pazl Popugay Kesha (brendi yo‘q)
• Step Puzzle pazl bolalar uchun Popugay Kesha (avval brend, keyin turi)

Go‘zallik va sog‘liq kategoriyasidagi mahsulotlar uchun nomlash boshqacha tuziladi: brend birinchi o‘ringa qo‘yiladi. Bunday standartga barcha yirik ishlab chiqaruvchilar amal qiladi. Ya’ni, nom quyidagi sxema bo‘yicha shakllantiriladi:

Brend + Tovar turi + Asosiy xususiyati (maqsadi/seriyasi/turi) + Hajmi/soni

Kitoblar kategoriyasi

Kitobning nomi muqovada qanday yozilgan bo‘lsa, aynan shunday ko‘rsatilishi shart.
Mahsulot nomida juda ko‘p xarakteristikalarni ko‘rsatmang, faqat eng muhimlarini qoldiring.
Mahsulot nomiga faqat shu mahsulotga xos bo‘lgan, uning mazmunini belgilab beradigan xususiyatlar yoki miqdoriy ko‘rsatkichlarni qo‘shishga ruxsat beriladi. Agar bunday nom boshqa qoidalarga zid bo‘lmasa va qo‘shimchalar haqiqatan ham mahsulotni aniqlab beradigan xususiyat bo‘lsa, moderatorlar bunday nomni tasdiqlashi mumkin.

Ruxsat etilgan nomlar va hususiyatlarga misollar:

• Choy servisi Luminarc Ocean Eclipse, 6 kishi, 12 dona, H9147.
• LED yorug‘lik chirog‘i 12 Vatt, IP45.
• Sharikli ruchkalar, rangli, 5 dona.
• Qog‘oz salfetkalar Belizna, 23×24 sm, 100 dona.

Noyaroqli nomlar va hususiyatlarga misollar:

• Choy servisi Luminarc Ocean Eclipse, 6 kishi, 6 ta chashka, 6 ta tarelka, 12 ta predmet, H9147.
• LED yorug‘lik chirog‘i 12 Vatt, suv o’tmaydigan, changdan ximoya, 220 volt.
• Sharikli ruchkalar, rangli, 5 dona, qizil, yashil, qora, pushti, ko’k.
• Qog‘oz salfetkalar Belizna, 23×24 sm, 100 dona, gulli, GOST 12345.

Mahsulot tavsifi

Mahsulot tavsifi — bu mahsulotning xususiyatlari, funksiyalari va foydalanish maqsadini tushuntirib beradigan muhim bo‘lim.
Mahsulot tavsifida siz o‘z mahsulotingiz nima uchun kerakligini va uni qanday ishlatishni aniq tushuntirishingiz kerak. Shuningdek, mahsulotingizning afzalliklarini ta’kidlashingiz, xarid qilish haqida qaror qabul qilish uchun zarur bo‘lgan barcha ma’lumotlarni taqdim etishingiz lozim. Bunda mahsulot tavsifi umumiy talablariga javob berishi, mahsulotga to‘liq mos bo‘lishi va uning haqiqiy xususiyatlari hamda sifatlarini aks ettirishi shart. Aks holda, xaridorning kutgan natijasi haqiqatga mos kelmaydi, bu esa qaytishlar, salbiy fikrlar va do‘kon obro‘sining pasayishiga olib keladi.
Mahsulot tavsifidagi ma’lumot qanchalik to‘liq bo‘lsa, xaridorda shunchalik kam savol va e’tirozlar paydo bo‘ladi. Va shuncha ko‘p ehtimol bilan xaridor sizdan xarid qiladi, raqobatchilarni ko‘rib chiqishga ehtiyoj sezmaydi.
Mahsulot tavsifini tuzishda matnni aniq tuzilmaga soling va muhim joylarni ajratib ko‘rsating. Siz quyidagi elementlardan foydalanishingiz mumkin:

• sarlavhalar;
• belgilangan (qalin) matn;
• tagi chizilgan matn;
• ro‘yxatlar.

Matnli tavsifga qo‘yiladigan talablar:

• savodli, xatosiz bo‘lishi;
• maksimal belgi soni — 6000 ta, ruxsat etilgan HTML-teglar bilan birga;
• mahsulotingizga va uning tasviriga to‘liq mos bo‘lishi;
• mahsulot haqida faktik ma’lumotni o‘z ichiga olishi: nimadan tayyorlangani, qanday ishlatilishi, qanday xususiyat va afzalliklarga ega ekani va hokazo;
• faqatgina sanab o‘tishdan iborat bo‘lmasligi;
• quyidagi so‘zlarni o‘z ichiga olmasligi kerak:
  «analog», «qalbaki», «kopiya», «copy», «replika», «1:1», «по мотивам», «оригинал», «original», «асл».

Matnli tavsif quyidagilarni o‘z ichiga olmasligi kerak:

• ortiqcha yoki chalg‘ituvchi ma’lumotni, shu jumladan assortiment haqida — karta ichida ko‘rsatilmagan ranglar, dizaynlar yoki modellarni taklif qilish mumkin emas;
• mahsulotga mos kelmaydigan qidiruv uchun kalit so‘zlar ro‘yxatini;
• telefon raqamlari, veb-sayt havolalari, ijtimoiy tarmoqlar hisoblari va boshqa kontakt ma’lumotlarini;
• ko‘p miqdorda ierogliflar (masalan, xitoy yoki yapon mahsulotlari uchun);
• ortiqcha yoki yetarli bo‘lmagan tinish belgilari;
• boshqa manbaga havola yoki murojaat — masalan: «batafsil ma’lumotni bukletdan ko‘ring»;
• reklama ma’lumotlari, jumladan yozish taqiqlanadi:
  • “aksiya”, “rasprodaja”, “chegirma”, “sotuv”, “faqat bugun”;
  • mahsulot narxi;
  • “eng yaxshi mahsulot”, “noyob mahsulot”, “ajoyib mahsulot” va shunga o‘xshash iboralar;
• yetkazib berish va qaytarish shartlari;
• har qanday harakatga chaqiriqlar — masalan: boshqa saytga o‘tish, mahsulotni solishtirish, xarid qilishga undash va hokazo;
• translitda yoki butunlay katta harflar bilan yozilgan so‘zlar.
  • Istisnolar: qisqartmalar (masalan, GOST) yoki ishlab chiqaruvchi tomonidan shunday ko‘rsatiladigan nomlar (masalan, SEGA).

Mahsulot tavsifining kengaytirilgan ma’lumotlari quyidagi muhim elementlarni o‘z ichiga olishi mumkin:

• Yaroqlilik muddati: Agar mahsulotning yaroqlilik muddati bo‘lsa, u albatta mahsulot tavsifida ko‘rsatilishi kerak. Bu, odatda, oziq-ovqat mahsulotlari, dori-darmonlar, kosmetika vositalari va shunga o‘xshash tovarlarga taalluqlidir. Yaroqlilik muddatining ko‘rsatilishi xaridorga mahsulotdan qanchaga qadar foydalanish mumkinligini tushunishga va mahsulotning muddatidan oldin buzilib ketishining oldini olishga yordam beradi.
• Saqlash sharoitlari: Agar mahsulot ma’lum harorat, namlik yoki saqlash muddati kabi maxsus sharoitlarni talab etsa, bu shartlar mahsulot tavsifida ko‘rsatilishi lozim. Bu xaridorga mahsulotni to‘g‘ri saqlash va uning buzilishining oldini olish imkonini beradi.
• Parvarishlash bo‘yicha tavsiyalar: Mahsulot tavsifida uni parvarishlash bo‘yicha tavsiyalar, masalan, maxsus yuvish, tozalash yoki ishlov berish usullari ko‘rsatilishi mumkin. Yaxshi ishlab chiqilgan tavsif xaridorga mahsulotdan maksimal foyda olishga va uning xizmat muddatini uzaytirishga yordam beradi.
• Sertifikatlar yoki litsenziyalar: Agar mahsulotni sotish uchun maxsus sertifikatlar yoki litsenziyalar talab etilsa, bu haqda ham mahsulot tavsifida ma’lumot berilishi kerak. Bu, ayniqsa, tibbiy yoki ilmiy uskunalar, signalizatsiya tizimlari va boshqa maxsus mahsulotlar uchun muhimdir.
• Kafolat va servis xizmatlari: Agar mahsulot kafolat yoki servis xizmati bilan ta’minlangan bo‘lsa, bu ham tavsifda alohida ko‘rsatilishi lozim. Xaridorlar xarid qilish qarorini aynan qanday kafolat va xizmatlar taqdim etilishiga qarab qabul qilishlari mumkin.
• Texnik xususiyatlar (spetsifikatsiyalar): Agar mahsulot texnik xususiyatlarga ega bo‘lsa, ular mahsulot tavsifiga kiritilishi kerak. Quvvat, tezlik va boshqa parametrlarning ko‘rsatilishi xaridorga mahsulotlarni solishtirish va o‘z ehtiyojlariga mos variantni tanlashda yordam beradi.
• Mahsulot miqdori: Agar mahsulot to‘plam, komplekt yoki yig‘ma ko‘rinishda bo‘lsa, yoki bitta qadoqda ma’lum miqdordagi mahsulot mavjud bo‘lsa, tarkibi, har bir turining soni va qadoqdagi umumiy miqdor aniq ko‘rsatilishi muhim. Shuningdek, xaridor bularning barchasini mahsulot fotosuratlarida ham ko‘rishi maqsadga muvofiq.Bu xaridorga to‘liq tasavvur beradi.

Shu tariqa, mahsulot tavsifining kengaytirilgan ma’lumotlari mahsulot tavsifining sifati va aniqligini sezilarli darajada oshirishi mumkin, xarid qilishdan oldin mijozlarga barcha zarur ma’lumotlarni taqdim etadi.

Mahsulot xususiyatlari

Mahsulot kartochkasini yaratishda uning xususiyatlarini to‘g‘ri ko‘rsatish juda muhim. Bu xaridorga sayt bo‘yicha qidiruv yoki filtrlardan foydalangan holda mahsulotingizni tezroq topishga yordam beradi hamda xarid qilish bo‘yicha qaror qabul qilish uchun mahsulot kartochkasida barcha zarur ma’lumotlarni taqdim etadi.
Tizimda bir nechta mahsulot variantlarini bitta kartochkada ko‘rsatish mumkin. Buning uchun bir xil modelga tegishli yagona kartochka yaratiladi va unda turli xususiyatlar hamda narxlar belgilanadi. Bu xaridorlarga boshqa mahsulot kartochkasiga o‘tmasdan, kerakli modelni tanlash imkonini beradi.
Masalan, agar siz bir xil modeldagi smartfonni turli xotira hajmlarida (64/128/256 GB) va bir nechta ranglarda (qora, qizil yoki oq) sotsangiz, har bir variant uchun alohida kartochka yaratish shart emas. Har bir variatsiya uchun alohida narx belgilash mumkin. Bu hisob-kitob tizimini soddalashtiradi va mijozlarga mahsulot haqidagi ma’lumotlarni qulay tarzda taqdim etish imkonini beradi.
Turli xususiyatlarga ega bo‘lishi mumkin bo‘lgan mahsulot kartochkalarini yaratishda, iloji boricha barcha mumkin bo‘lgan xususiyatlarni qo‘shish tavsiya etiladi. Chunki mahsulot kartochkasi yaratilgandan va moderatsiyadan o‘tgandan so‘ng, uning xususiyatlarini o‘zgartirib bo‘lmaydi.
Shuningdek, oldin yaratilgan, lekin bir xil mahsulotga tegishli bo‘lgan, xususiyatlari va narxlari turli bo‘lgan alohida kartochkalarni birlashtirish ham mumkin emas. Shu sababli, barcha mumkin bo‘lgan xususiyatlarni o‘z ichiga olgan bitta mahsulot kartochkasi yaratish tavsiya etiladi. Faqat xususiyatlari bilan farqlanadigan alohida kartochkalar yaratish mumkin, ammo bu maqsadga muvofiq emas.
Faqat mahsulotning real va aniq xususiyatlarini ko‘rsating. Agar kartochkada juda ko‘p keraksiz yoki muhim bo‘lmagan tafsilotlar bo‘lsa, bu xaridorlarda salbiy taassurot qoldirishi va qidiruv natijalari hamda kategoriyalardagi pozitsiyaga salbiy ta’sir ko‘rsatishi mumkin.
Ba’zi kategoriyalar uchun to‘ldirilishi shart bo‘lgan standart xususiyatlar to‘plami mavjud. Masalan, “Televizorlar” kategoriyasi uchun ekran diagonali o‘lchamini ko‘rsatish majburiy hisoblanadi.
Mahsulot xususiyatlari ikki tilda to‘ldirilishi kerak:
— o‘zbek tilida (lotin yozuvida)
— rus tilida (kirill yozuvida).

Mahsulot brendi

Brend — bu mahsulotning o‘ziga xos imiji hisoblanadi. Brend nomining o‘ziyoq xaridorda mahsulot haqida muayyan tasavvur shakllantiradi. Brend xaridorlarning qaror qabul qilishiga va xulq-atvoriga ta’sir ko‘rsatadi.
Shu sababli, agar siz brendli mahsulotlarni sotsangiz yoki mahsulotingizning aniq brendi mavjud bo‘lsa, uni albatta ro‘yxatdan tanlab ko‘rsating.
Agar mahsulot brendsiz bo‘lsa, “Brend mavjud emas” bandini tanlang.
Shuningdek, siz o‘z brendingizni ro‘yxatdan o‘tkazishingiz ham mumkin. Buning uchun menejerlarimizga savdo belgisi (tovar belgisi) guvohnomangizni yuborishingiz zarur.

QQS stavkasi (Qo‘shilgan qiymat solig‘i)

Agar sizning mahsulotingiz QQS (Qo‘shilgan qiymat solig‘i)ga tortilsa, soliq stavkasini ko‘rsatishingiz shart.
QQS stavkasi mahsulot cheki va ushbu stavkani ko‘rsatish zarur bo‘lgan boshqa hujjatlarda aks ettiriladi.
O‘zbekiston Respublikasi Soliq kodeksiga muvofiq, QQS stavkasi 12 % miqdorida belgilanadi.
Agar mahsulotingiz QQSga tortilmasa, stavka 0 % etib belgilanadi.
Muhim: QQS stavkasini noto‘g‘ri ko‘rsatish natijasida soliq organlarida savollar yuzaga kelsa, buning uchun to‘liq javobgarlik sotuvchining zimmasida bo‘ladi.

Ishlab chiqarilgan mamlakat

Mahsulotning ishlab chiqarilgan mamlakati ham ayrim xaridorlar uchun muhim ahamiyatga ega. Brend yoki kompaniya emas, aynan ishlab chiqarilgan mamlakatni aniq ko‘rsating. Chunki kompaniya yoki brend bir davlatda ro‘yxatdan o‘tgan bo‘lishi, ammo mahsulotni boshqa davlatlarda ishlab chiqarishi mumkin. Ishlab chiqarilgan mamlakat noto‘g‘ri ko‘rsatilsa, bu xarid amalga oshirilgandan keyin tovarni qaytarib berishga sabab bo‘lishi mumkin.

Hajmiy–og‘irlik xususiyatlari

Hajmiy–og‘irlik xususiyatlari (HO‘X) — bu mahsulotning zavod qadoqdagi og‘irligi va gabaritlari hisoblanadi. Har bir mahsulot uchun og‘irlik va gabaritlarni ko‘rsatish majburiy, chunki ular quyidagilarga ta’sir qiladi:

• Bigmart omborida mahsulotni saqlash zonasini aniqlashga;
• Yetkazib berish narxi va muddatlarini hisoblashga;
• Yetkazib berish uchun transport turini tanlashga.

Mahsulot kartasini yaratish yoki tahrirlash jarayonida HO‘X quyidagi maydonlarda ko‘rsatilishi kerak:

• “Qadoq bilan og‘irligi, g”;
• “Qadoq kengligi, mm”;
• “Qadoq balandligi, mm”;
• “Qadoq uzunligi, mm”.

Og‘irlik va gabaritlar bo‘sh, nol qiymatli, harflar bilan yoki o‘nli kasr ko‘rinishida bo‘lishi mumkin emas. Agar qiymat kasr bo‘lsa, uni butun songa yaxlitlang. Masalan, agar mahsulot og‘irligi 100,1 gramm bo‘lsa, 100 gramm deb ko‘rsatiladi.
Bigmart saqlash, logistika va xavfsizlik talablaridan kelib chiqib, shuningdek boshqa omillarni hisobga olgan holda katta hajmli va og‘ir mahsulotlarni joylashtirish va sotish uchun qabul qilmaydi.
Shu sababli mahsulotlar uchun quyidagi cheklovlar mavjud:

• Og‘irlik bo‘yicha — 1 000 000 g gacha;
• Gabaritlar bo‘yicha — 13 500 mm (Kenglik + Balandlik + Uzunlik).

Mahsulotning gabaritlari va og‘irligi ko‘rsatilgandan so‘ng, tizim avtomatik tarzda uning hajmiy og‘irligini hisoblab chiqadi. Mahsulot kartasi yaratilgach va faollashtirilgach, hajmiy–og‘irlik xususiyatlarini o‘zgartirish mumkin bo‘lmaydi.

Hajmiy-og‘irlik ko‘rsatkichlarini moderatsiya qilish

Bigmart omboriga tovarlar qabul qilinayotganda, bizning moderatorlar tovarning og‘irligi va gabaritlarini tekshiradi hamda zarur bo‘lsa, tovar kartochkasidagi ma’lumotlarni tuzatadi.
Agar siz FBS+ sxemasi bo‘yicha ishlasangiz, ya’ni tovarlaringizni o‘z omboringizda saqlasangiz va yetkazib berish uchun qabul qilish jarayonida kuryerlarimiz ko‘rsatilgan ma’lumotlarda tafovutlarni aniqlasa, ular joyida tovarning gabaritlari va og‘irligini o‘lchab, bu haqda moderatorlarga xabar berishadi.
Shuni bilishingiz kerakki, moderatorlar hajmiy-og‘irlik ko‘rsatkichlari noto‘g‘ri kiritilgan tovar kartochkalarini bloklashi ham mumkin. Shu sababli, tovaringiz qabul qilinishi va bloklanmasligi uchun hajmiy-og‘irlik ko‘rsatkichlarini to‘g‘ri va aniq kiritish juda muhim.

Hajmiy-og‘irlik ko‘rsatkichlarini o‘zgartirish

Tovar kartochkasi moderatsiyadan o‘tgandan so‘ng, siz endi tovarning og‘irligi va gabaritlarini mustaqil ravishda o‘zgartira olmaysiz.
Agar siz gabaritlar yoki og‘irlikda xatoliklarni aniqlasangiz va ularni tuzatmoqchi bo‘lsangiz, sabablarini ko‘rsatgan holda qo‘llab-quvvatlash xizmatimizga murojaat qilishingiz lozim.

Majburiy tovarlarni markirovkalash

O‘zbekiston Respublikasida majburiy tovarlarni markirovkalash 2019-yil 23-noyabrda “Mahsulotlarni identifikatsiya vositalari bilan bosqichma-bosqich markirovkalash va keyinchalik kuzatib borish tartibini joriy etish chora-tadbirlari to‘g‘risida”gi 944-sonli Qaror qabul qilinishi natijasida joriy etilgan.
Hozirda majburiy markirovkaga quyidagi tovarlar kiradi:

• tamaki mahsulotlari
• alkogol mahsulotlari
• pivo
• maishiy texnika
• dori vositalari
• suv va ichimliklar

Markirovkalashni joriy etish qonunchilik darajasida tartibga solinadi.
Markirovka tizimining asosiy vazifasi — iste’molchilarga sotib olinayotgan mahsulotning asl ekanligi va e’lon qilingan sifatini kafolatlashdan iborat.
Iste’molchi xarid qilinayotgan mahsulotning qonuniyligiga, hayot va sog‘liq uchun xavfsizligiga shubha qilmasligi mumkin. Maxsus mobil ilova orqali har bir fuqaro mahsulotni tekshirishi va aniqlangan noqonuniy mahsulotlar haqida xabar berishi mumkin. Ushbu ma’lumotlar tegishli nazorat organlariga yuboriladi.

Markirovka kodi nima?

Raqamli markirovka – bu mahsulotga yoki mahsulot qadoqiga maxsus kodni yopishtirish jarayoni bo‘lib, uning maqsadi markirovka qilingan mahsulotning harakatini kuzatishdir. Mahsulotni markirovkalashning asosiy vazifasi – iste’molchilarga sotib olinayotgan mahsulotning haqiqiyligini va e’lon qilingan sifatini kafolatlashdir.
Mahsulotni markirovkalashda ikki o‘lchovli Data Matrix kodi ishlatiladi, unda mahsulotning ishlab chiqarilgan sana va joyi qayd etiladi, shuningdek, u mahsulot zanjiri bo‘ylab – ishlab chiqaruvchidan ulgurji va chakana savdo tarmog‘igacha, keyin esa onlayn-kassa orqali sotilishigacha bo‘lgan harakati kuzatiladi.
Har bir bosqichda mahsulot ishlab chiqarilishi va aylanmasi haqidagi ma’lumotlar milliy raqamli markirovka va mahsulotlarni kuzatish tizimi – NIС “Asl Belgisi”ga kiritiladi.
Batafsil ma’lumotni Siz Milliy raqamli markirovka tizimi “Asl Belgisi”ning ma’lumot markazidan olishingiz mumkin.

Markirovka qanday ishlaydi?

Markirovkaning hayotiy tsikli quyidagi bosqichlardan iborat:

• Tovar aylanishi ishtirokchisi NIS «Asl Belgisi» tizimida ro‘yxatdan o‘tadi.
• Ishlab chiqaruvchi yoki importyor raqamli kodni buyurtma qiladi va mahsulotga noyob kodni yopishtiradi.
• Markirovka kodi orqali markirovka qilingan predmetning logistik zanjiri to‘liq qayd etiladi – zavoddan iste’molchigacha, mahsulot aylanishga kiritilishidan tortib, undan chiqarilishigacha.
• Kod maxsus 2D skaner yordamida onlayn-kassada sotilish vaqtida skanerlash orqali tizimga mahsulotning aylanishdan chiqarilishi haqida ma’lumot uzatiladi.
• Mobil ilova orqali iste’molchi mahsulotning qonuniyligini tekshirishi mumkin.

Markirovka uchun kim javob beradi?

Markirovka kodini yopishtirish uchun javobgar ishlab chiqaruvchilar va importyorlardir. Ular markirovka kodlarini buyurtma qilish, mahsulotni ishlab chiqarishda markirovkalash, markirovkali mahsulotni aylanishga kiritish va mahsulotlar haqidagi ma’lumotlarni markirovka tizimiga uzatish majburiyatiga ega. Bu ma’lumotlar boshqa tovar aylanishi ishtirokchilari tomonidan keyingi operatsiyalarni amalga oshirish uchun ishlatiladi.
Markirovka kodlarini berish va «Asl Belgisi» Raqamli markirovkalash milliy axborot tizimi ishlashini boshqarish "CRPT TURON" MChJ operatoriga yuklatilgan.
Agar siz mahsulot ishlab chiqaruvchi yoki importyor bo‘lsangiz, markirovkani boshlash uchun 5 bosqichni bajarishingiz kerak:

• 1-qadam. Markirovka tizimida ro‘yxatdan o‘ting.
• 2-qadam. Tovarlarni Milliy katalogda ro‘yxatdan o‘tkazing.
• 3-qadam. Markirovka kodlarini buyurtma qiling va to‘lovni amalga oshiring.
• 4-qadam. Kodlarni tovarga qo‘ying.
• 5-qadam. Tovarni aylanmaga kiriting.

Agar siz distribyutor yoki ulgurji sotuvchi bo‘lsangiz — kodlarni ishlab chiqaruvchi yoki importyordan tayyor holda qabul qilasiz.

Markirovka kodlarini qanday uzatish mumkin?

Har bir mahsulotda markirovka kodi bo‘lgan etiketka bo‘lishi kerak. Kod ko‘rinadigan va o‘qilishi oson bo‘lishi, shikastlanmagan bo‘lishi muhim.

Uzatish usuli ishlash sxemasiga bog‘liq:

• FBF sxemasi bilan ishlashda - Markirovka kodlarini bizga elektron hisob-faktura (EHF) orqali uzating, unda yetkazilgan mahsulotlar markirovka kodlari ko‘rsatilgan bo‘lishi kerak. Bigmart omboriga mahsulotlarni qabul qilganda, biz mahsulotga yopishtirilgan kodlar va ЭСФdagi kodlarning mosligini tekshiramiz. Farq bo‘lmasa, EHFni o‘z Elektron raqamli imzo (ERI) bilan tasdiqlaymiz.
• FBS sxemasi bilan ishlashda - yetkazib berish uchun buyurtma yig‘ishda, mahsulotning markirovka kodini shaxsiy kabinetda ko‘rsatishingiz kerak.

Markirovka kodlarini aylanishdan chiqarish

• FBF sxemasi bilan ishlashda - Sotilgan markirovkalangan mahsulotlarni o‘zingiz muntazam tekshirib, markirovka kodlarini aylanishdan chiqarasiz. Kod sotilgan mahsulot chekida ko‘rsatiladi.
• FBS sxemasi bilan ishlashda - Yetkazib berish uchun buyurtma yig‘ishda, mahsulotning markirovka kodini shaxsiy kabinetda ko‘rsatishingiz kerak. Mahsulot sotilishi tasdiqlangach, siz o‘zingiz markirovka kodlarini aylanishdan chiqarasiz.

Mahsulot artikuli

Artikul – bu mahsulotning noyob identifikatori bo‘lib, u sizning mahsulotlarni hisobga olish tizimingizda ishlatiladi. Siz artikul formatini shunday tanlashingiz mumkinki, u mahsulotlarni hisobga olish tizimingizga mos keladigan va sizga qulay bo‘lsin, masalan:

• tshirt001_white_XL
• tshirt001_white_S
• Tovar_0002

Muhim: har bir mahsulotning artikuli noyob bo‘lishi kerak. Bir xil artikulni bir nechta mahsulotlarda ishlatib bo‘lmaydi.
Agar siz artikul ko‘rsatmasangiz, tizim avtomatik ravishda identifikator beradi. Biroq bu siz uchun o‘qishda noqulay yoki mahsulotlarni hisobga olish tizimi, masalan, buxgalteriya dasturi bilan mos kelmasligi mumkin. Shu sababli, mahsulotlarga artikullarni o‘zingiz belgilashingiz tavsiya etiladi.

Artikulni o‘zgartirish mumkin:

• «Mahsulotlar va narxlar» bo‘limini oching;
• «Mahsulotlar ro‘yxati» menyusini oching;
• Kerakli mahsulot qatorida ⋮ tugmasini bosing va «Mahsulotni tahrirlash»ni tanlang.

Mahsulot foto va videosi

Rasm va videolar – bu marketpleysdagi mahsulot kartasidagi tavsifning asosiy elementlari. Ko‘proq xaridorlarni jalb qilish va muvaffaqiyatli sotuv ehtimolini oshirish uchun quyidagi talablarni bajarish zarur:

1. Rasm sifati: Fotosuratlar va videolar yuqori sifatli, yaxshi o‘lchamli, aniq konturli bo‘lishi kerak. Fon oq yoki shaffof bo‘lishi, ramkalarsiz bo‘lishi muhim. Bu xaridorlarga mahsulotni batafsil ko‘rish va sifatini baholash imkonini beradi.
2. Turli burchaklardan suratlar: Mahsulotning bir nechta rakursdagi suratlarini taqdim etish zarur. Bu xaridorga mahsulotning real ko‘rinishini yaxshiroq tushunishga yordam beradi. Suratlardan brend, model, uslub, boshqaruv elementlari yoki funksionallik ko‘rinishi ko‘rinishi kerak.
3. Rasm uslubi: Mahsulot suratlari ma’lum uslubda bo‘lishi kerak, bu mahsulot tavsifiga professional ko‘rinish va uslub qo‘shadi. Masalan, moda kiyimlari suratlari zamonaviy va elegant bo‘lishi kerak.
4. Yorqinlik va rang: Mahsulot rasmidagi yorqinlik va ranglar real mahsulot ranglari va yorqinligiga yaqin bo‘lishi kerak. Bu xaridorning mahsulotni to‘g‘ri baholashiga yordam beradi va noto‘g‘ri tushunishni oldini oladi.
5. Video demonstratsiya: Imkon bo‘lsa, mahsulotni batafsil ko‘rsatadigan video taqdim eting. Video xaridorga mahsulot va uning xususiyatlarini yaxshiroq tushunishga yordam beradi.
6. Oq fon: Mahsulotning oq fonda suratlari mavjud bo‘lishi mahsulotga e’tiborni jamlashga va suratning estetik ko‘rinishini oshirishga yordam beradi.

Bigmartning rasm talablari

Rasmga qo‘yiladigan talablar – Bigmart standartlari:

Parametr	Talablar
Format	JPEG, JPG, PNG, HEIC, WEBP
Ruxsat etilgan o‘lcham	200x200 dan 4320x7680 pikselgacha
Nisbat	Vertikal 3:4 yoki kvadrat 1:1
Fon	Shaffof yoki oq
Fayl hajmi	10 MB dan oshmasligi kerak

• Faqat bitta asosiy rasm qo‘shish mumkin.
• Rasm mahsulot nomi va tavsifiga mos bo‘lishi kerak.
• Mahsulot to‘liq ko‘rsatilgan bo‘lishi zarur; rasm orqali mahsulotni ishlatish holatida qanday ko‘rinishi tushunilishi kerak. Masalan, choyshab uchun – rasm to‘sakda ko‘rsatilgan bo‘lsin, qadoqda emas.
• Rasm rangli va yuqori sifatli bo‘lishi kerak.
• Rasm aniq, mahsulot fokusda bo‘lishi kerak.
• Rasmda suv belgisi bo‘lmasligi kerak.
• Infografikani ishlatish mumkin.

Rasmda ishlatib bo‘lmaydigan narsalar:

• Spirtli ichimliklar tasvirlari;
• Mahsulot eskizlari (masalan, 3D modellari);
• Qora-oq rasmlar;
• Noaniq, xira yoki past sifatli rasmlar;
• «Uy sharoitida» olingan fotosuratlar (masalan, gilam yoki mebel fonida, boshqa buyumlar soyalari bilan);
• Matnlar:
  • Narx, chegirma, aloqa ma’lumotlari, ijtimoiy tarmoqlar yoki sayt havolalari;
  • Har qanday harakatga chaqiruvchi matnlar (masalan, menejerga qo‘ng‘iroq qilish, mahsulotni solishtirish, xarid qilish va hokazo);
• Mahsulotingiz bo‘lmagan rasmlar;
• Zo‘ravonlikni ko‘rsatadigan yoki nizoni qo‘zg‘atuvchi kontent.

18+ rasmga qo‘yiladigan talablar:

Tasvirlarda intim tana qismlari xira ko‘rinishi yoki boshqa usulda yashirilishi kerak. Masalan: jinsiy a’zolar, ayol ko‘kragi, orqa tomon, jinsiy organlarni taqlid qiluvchi o‘yinchoqlar. Talablar mahsulot, insonlar va qadoqdagi tasvirlarga ham taalluqlidir.

Video tarkibiga qo‘yiladigan talablar:

Videoda albatta mahsulot bo‘lishi kerak; uning afzalliklari yoki ishlatilish misolini ko‘rsating. Videolar yuqori sifatli, yaxshi ovoz bilan bo‘lishi kerak.

Quyidagi hollarda video nashr etilmaydi:

• Nojo‘ya so‘zlar yoki haqoratlar;
• Spirtli ichimliklar, sigaretlar;
• Matnlar:
  • Narx, chegirma, aloqa ma’lumotlari, ijtimoiy tarmoqlar;
  • Yetkazib berish va qaytarish shartlari (masalan, “tez yetkazib berish”, “ertaga yetkazamiz”);
• Boshqa platforma yoki do‘konlar reklamalari;
• Shaxsiy ma’lumotlar (masalan, karta raqami, pasport surati);
• Intim tana qismlari yoki erotik ohangdagi ovozlar;
• O‘zbekiston Respublikasi qonunchiligi bilan taqiqlangan ma’lumotlar;
• Bigmartda joylashtirib bo‘lmaydigan mahsulotlar.

Video fayllar uchun texnik talablar

Parametr	Talab
Format	MP4, MOV
Ruxsat	Katta tomoni 1080–1920 px
Hajm	100 MB dan oshmasligi kerak
Davomiylik	8 soniyadan 5 daqiqagacha

Mahsulotning identifikatsiya kodi (MXIK - ИКПУ)

MXIK — bu mahsulot yoki xizmat turiga beriladigan raqamli belgi bo‘lib, elektron schyot-fakturalarda, elektron shartnomalarda va onlayn-KKT cheklarida aks etadi.
IKPU kodini quyidagi manzilda joylashgan Yagona milliy elektron katalogdan topishingiz mumkin:
https://tasnif.soliq.uz

Katalogda quyidagicha qidirish mumkin:

• Matn yoki mahsulot nomi bo‘yicha kengaytirilgan qidiruv;
• Matn va mahsulot nomi bo‘yicha qidiruv;
• IKPU bo‘yicha qidiruv;
• Shtrix-kod bo‘yicha qidiruv;
• TNVED kodlari bo‘yicha qidiruv;
• Brend bo‘yicha qidiruv;
• Ro‘yxatdan o‘tgan guvohnoma raqami bo‘yicha qidiruv (dori-darmonlar uchun).

Agar kerakli mahsulot va uning identifikatsiya kodini topa olmasangiz, qidiruvni takrorlang, mahsulot nomlarini to‘g‘ri kiritganingizga ishonch hosil qiling.
Agar kerakli kod topilmasa, IKPU olish bo‘yicha so‘rov qoldiring. So‘rovni ko‘rib chiqish vaqti taqdim etilgan ma’lumotlar to‘liqligi, qidirilayotgan mahsulotlar soni va ularning xususiyatlari, shuningdek, mutaxassislarning bandligiga bog‘liq. Sizga 7 kunlik vaqtinchalik tasniflash kodi ishlatish mumkin emas.
Mahsulot kartasida noto‘g‘ri kod ko‘rsatilishi, bu esa elektron hisob-fakturalar, onlayn-KKM cheklar, shuningdek elektron shartnomalarda aks etishi, ma’lumotlarning noto‘g‘ri shakllanishiga, sotib olingan va sotilgan mahsulotlar mos kelmasligiga olib keladi. Natijada, mahsulot kartasi bloklanadi.

Shtrix-kodlar

Mahsulot kartasi yaratilganda, unga Bigmartning noyob identifikatsiya kodi va noyob tizim shtrix-kodi beriladi, bu kodni chop qilib mahsulotga yopishtirish kerak.
Agar mahsulot kartasi mavjud barcha variantlarni o‘z ichiga olsa, masalan, turli o‘lchamdagi poyabzal, har bir mahsulot varianti uchun alohida Bigmart identifikatsiya kodi va noyob tizim shtrix-kodi beriladi.
Shuni inobatga olish kerakki, mahsulotga berilgan noyob kod va shtrix-kod mahsulot bilan ishlash davomida o‘zgarmaydi. Agar Bigmartda mahsulot uchun yangi karta yaratilsa, unga yangi shtrix-kod beriladi. Tovarlarni Bigmart omboriga jo‘natish yoki yetkazib beruvchi kurierga topshirishdan oldin, har bir mahsulot qadoqida tegishli shtrix-kod mavjudligini va u ko‘rinadigan joyda joylashganligini tekshirish muhimdir.